老毛孩(無牙)可唔可以食鮮食?—Fufu毛孩分享

 

毛孩基本資料介紹   Fufu 12歲 未絕育 男仔 約瑟爹利

Fufu 係一隻被人棄養的狗狗 義工姐姐接到求助之後立即就帶左佢去睇獸醫 發現佢長期營養不良，下半身肌肉嚴重痿縮，前列腺發大，心律不正，口腔冇晒牙齒，下顎因不明原因被切除。。。Fufu情況並唔樂觀，心跳過慢、脫水和非常虛弱，已經需要進入氧氣箱去維生。

經過獸醫數天的搶救，Fufu情況終於由非常虛弱接近昏迷狀態，轉為情況穩定，

但係Fufu仲係不時出現心跳過慢的情況，獸醫都叫義工姐姐做好心理準備，但係義工姐姐不想放棄。

 

我地知道左Fufu情況後，中獸醫去左幫Fufu檢查，我地懷疑因為Fufu口腔同下顎問題令Fufu長期不能進食乾糧，乾糧被家中另一隻狗狗食晒，但前主人未有發覺，因長期營養不良及進食困難而繼發引起一系列的嚴重問題。

中獸醫在舌診，脈診和身體檢查後，發現Fufu的四肢冰冷，脈象沉緩細弱，舌紫並出現裂痕，皮膚乾裂，認為Fufu因飲食不良而引起胃陰不足、血虛和脾腎陽虛繼發心陽不足從而引發心率不正和暈厥。因此我地處方了數個食療餐單，以心臟病食療鮮食包寧心養血牛牛飯為主，配以其他數款不同的鮮食包去調理Fufu的不同需要，加上中獸醫處方了中藥理中湯作早晚服用。

另外Fufu沒有牙齒和下顎問題，因此只能食用比較細塊的食物，我們也特地把食物打得更碎去幫助Fufu更易消化和吸收食物。

 

經過兩星期的療程後，Fufu有明顯的增重，可以見到Fufu由之前的瘦骨嶙峋有一點進展（大約10%的增重），胃口和食慾也有大增，手腳不再冰冷，心跳過慢的情況又暫時沒有復發。雖然要把已痿縮的肌肉變回正常在這個年紀的狗狗來說會十分困難，但Fufu變得更有精力更開心，改善動物生活和健康品質是我們的首要任務。首先要多謝義工姐姐不懈的努力為Fufu日以繼夜的悉心照料。因為無論係醫生，護士同義工姐姐都唔知道Fufu仲可以活多幾耐，定係會有神跡出現令Fufu可以康復為一隻健康的狗狗，但係義工姐姐話佢都係會盡力去照顧Fufu的餘生，希望Fufu最後的時光可以得到最好的照料和佢喜歡的食物。

感謝義工姐姐資料提供